A biblioteca do colexio transformouse nun emocionante Escape Room, un espazo cheo de probas, claves agochadas e retos por resolver. O alumnado tivo que poñer a proba a súa lóxica, traballar en equipo e empregar a creatividade para descubrir pistas e superar cada desafío. Foi unha experiencia diferente e divertida que fixo da nosa biblioteca un lugar de aventura e aprendizaxe.