Recanto da poesía

Recanto da poesía

Chega o mes de marzo e con el a poesía.
Esta vez propoñémoste un concurso no que podes botar a voar a túa imaxinación.
Que hai que facer? Só tes que escribir un poema e pegalo no mural do Recanto da poesía. O tema é libre.
Algo máis? É importante que o teu nome non se vexa, así que debes poñelo por detrás.
Ata cando? Tes todo o mes de marzo para darlle á cabeza.
Haberá premios para os tres mellores poemas!!!
O xurado estará formado por membros do equipo da Biblioteca escolar.
Anímate!!
Quen sabe….Se cadra o teu poema é un dos mellores…

LEOTOLDA

LEOTOLDA

A semana pasada, a nosa mascota Saíto preparounos unha sorpresa a todo o alumnado de 5º de infantil na biblioteca da escola. Alí  esperábanos un conto que se titulaba LEOTOLDA” cuxos protagonistas  percorren diferentes lugares en busca da  súa amiga, que é moi viaxeira. Aínda que non tiveron éxito, todos coñecían a Leotolda, e ao longo da viaxe déronnos pistas de cómo era ela: alegre, grande, redonda, de moitas cores, cantaba mal e sempre dicía o que pensaba. En base a esto ,e dando renda solta á nosa imaxinación e creatividade, conseguimos debuxar a Leotolda e así poder axudar a TITO, CATALINA e KASPER. Aquí vos deixamos un pequeno vídeo para que poidades ver qué ben o pasamos e qué ben  nos quedou Leotolda.