O pasado sábado celebrouse o día das Bibliotecas escolares. Para nós, esta data ten un agarimo especial posto que tamén é o aniversario da apertura da nosa biblioteca: cumprimos tres anos! 

Este ano as cousas son moi diferentes para a biblioteca, posto que non temos o espazo físico onde xuntarnos a ler, emprestar, investigar…pois era preciso ceder o lugar e reconvertilo nunha aula para os rapaces e rapazas de bacharelato, na que poderían gardar a distancia social e así cumprir co protocolo imposto pola COVID. 

Pero non nos importa, ó contrario, a nosa labor dentro dunha biblioteca é a de axudar, posibilitar, unir e facilitar. Así o cremos e así reza o noso lema: “ser para os demáis”. 

Volveremos con forza. Mentras tanto, reinventaremos e continuaremos facendo actividades donde se sinta a nosa biblio, donde os anhelos que nos levaron a cumprir tres aniños, nos impulsen para iniciar unha nova etapa na que a biblio forme parte da nosa tarefa educativa. 

Non vos esquezades de ler, de mergullarvos nas páxinas dos libros, de deixarvos atrapar pola maxia dos contos e das historias, en definitiva: “a lectura abre as portas do mundo que te atrevas a imaxinar”. 

Feliz día das bibliotecas escolares!