Dende a Biblioteca do Sagrado queremos desexarvos un Bo Nadal e felices festas.

Esperamos que teñades un próspero 2018 e que veña cargado de moitas  e fascinantes viaxes literarias.

O vindeiro día 25 do presente mes celébrase o Día mundial contra a violencia de xénero e, dende a biblio do cole, non queremos deixar pasar esta data tan importante para recomendarvos unha serie de lecturas que poremos á vosa disposición no andel que se atopa na entrada da biblioteca.

[pdf-embedder url=»http://sagradopontevedra.es/biblioteca/wp-content/uploads/2017/11/Presentación-25-nov..pdf» title=»Presentación 25 nov.»]

Aprezados amigos:

Hoxe foi un día de ledicia para o equipo de biblioteca do noso cole. Desde hai dous anos, comezamos a soñar coa posibilidade de unir as dúas bibliotecas que había no cole para crear unha que puidese acoller a todos aqueles alumnos e alumnas que abrisen a súa porta, independentemente da súa idade ou o seu curso: un lugar de reunión e de conversa, de investigación e de aprendizaxe, de aprender a pensar, de aprender a aprender, de aprender a convivir. Ese día tan agardado chegou hoxe, 24 de outubro, que ademais é unha data especial, pois é o día das bibliotecas escolares.

Foron anos de esforzo, de xuntanzas, de dúbidas…pero tamén de traballo en equipo, de sorrisos e alegrías; todos arrimamos o ombreiro xa que estabamos convencidos de que a finalidade era a mellor posible, para nós e para os nosos nenos.

Saíto voltou ao cole para decirlles aos cativos onde o podían atopar nesta nova etapa: no seu curruncho preferido, a biblioteca, metido entre os libros e os contos, agardando a nosa visita. E así foi, os primeiros visitantes da nosa biblio non podían ser outros que os máis pequenos do cole. Quedaron abraiados atopando os sinais que os conducían á nova biblio e gozaron moito cos contos que lles prepararon as súas mestras.

Aquí vos deixamos una pequena mostra do resultado. Agardamos que vos guste! Vinde axiña facernos unha visita!